تسجيل الدخول لسرعة الوصول إلى أفضل الصفقات. انقر هنا إذا لم يكن لديك حساب.

انواع المطابخ المودرن

منذ شهرين المطبخ والسفرة   107 المشاهدات
img

0.0 نجمة

مميزات بعض خامات المطابخ و الفروقات بين الخامات والطرق الدارجه فى حساب المطابخ ايه يخلينا بنختار الخامه .. انها تكون مناسبه لينا ولأحتياجاتنا وكمان اللون وهل هى لامعه او مطفيه يعنى ما استخدمش خامه سهلة الخدش زى الاكريليك فى مطبخ معرض لاحتكاك كتير او heavy kitchen مثلا او اعمل خامه مش مناسبه للديكور او الالوان حول المطبخ او مش مناسبه لألوان الاجهزه - طيب التصميم المفروض ان العميل يختار التصميم المناسب فعلا للاستخدام مش مجرد اننا بنعمل تصميم يشيل اجهزه كثيره مش هنستخدمها زى غساله اطباق مثلا مش هتستخدم كتير او فرن وتوستر وميكروويف فى حين ان استخدامى هو الفرن والميكروويف فقط او انى اعمل مطبخ شكله جمالى ومفيش مساحات كافيه او العكس مراعاة انا بستخدم اليد اليمنى ولا اليسرى ..اعتبارات كتير .. يعنى لازم كله يبقى ماشى مع بعضه مهندس شاطر خامات جيده الوان متناسقه وماشيه مع الديكور الاستخدام صح وسهل أما الانواع فهى كالتالى -المطابخ الخشب الطبيعى زى الارو والبيتش باين ودى خامات بقيمه عاليه وسعر عالى لكنها ممتازه طبعا وطبعا فى دهانات كتير ليه زى الاستر والبوليستر والدوكو - الاكريليك هى من خامات المونمر وبيتم سحبها علشان تبقى شيتات وبيتم كبسها على خشب ام دى اف وبتيجى مكبوسه من تركيا وبتكون درجات لمعانها وشكلها الجمالى جيد جدا وحاليا فى منها بيتم كبسها فى مصر ولكن ليه مشاكله لكن للأسف عيب الاكريليك انه سهل الخدش ولا ننصح بيه حاليا - البولى لاك فهو من الالواح الصديقه للبيئه ومن افضل خامات المطابخ وهى لها درجة لمعان بتزيد عن 92 ومقاومه للحراره وبتصل الى 120 ومقاومه للرطوبه وطبعا واخد شهادات الايزو وشهادات الصحه ومقاومة البكتيريا من المركز القومى للبحوث ومن افضل الخامات الى بتستخدم للمطابخ مع اليو فى لاك وبيتم كبسه فى تركيا على ام دى اف -اما البى فى سى فهى من الخامات المصنعه وهى اختصارpoly vinyl chloride وهى مقاومه للمياه والحراره والرطوبه لكن سهلة الخدش وبيتم كبسها على ام دى اف -الاتش بى ال هو تطوير لخامة الفرومايكا هو والبوست فورمينج (مع اضافه عمليات زائده للبوست فورمينج علشان يلف على حرف الضلفه)وهو فى منه الالمانى والهندى والمصرى وبيتم كبسه على خشب كونتر ويفضل انه يكون من افضل الانواع علشان عيوبه ما تظهرش مع الخامه وهو من افضل الانواع اللى بتستخدم للمطابخ لارتفاع مقاومته للخدش وللحراره وكذلك كبسه على كونتر بيعطيه اضافه -اللامى جلوس هو من الانواع الجيده فى المطابخ ويتحمل الخدش لدرجة 4 نيوتن وهو مقاوم للحراره والرطوبه وله درجة لمعان عاليه -اليو فى لاك هو احد افضل المنتجات على الاطلاق وله درجة لمعان عاليه وهو من انتاج شركة باكيش اكريليك وهو مقاوم للحراره والرطوبه ويتم كبسه على خشب mdf من افضل الانواع أما المطابخ الالومنيوم هو مطبخ معدنى يتم تصنيعه من علب من خامة الالومنيوم اما الارفف والاجناب من علب الومنيوم وتقفيلات فايبر والضلف لها اكتر من نوع منها وكلهم تكون العلبه نفسها مع اختلاف شكل الفايبر بالنسبه للمطابخ الخشمونيوم وحاليا توجد قطاعات اماراتى وهى اخف فى الوزن واقل فى الكثافه والتخانه والسعر واقل فى الجوده علشان كده دايما بنحذر العملاء من الاسعار القليله اللى ممكن تكون بالخامات دى وللاسف العميل ما بيعرفش الا بعد الصيانات ..... اما الضلف واشكالها تنقسم الى - الفايبر او الدبل فايبر وده من اكتر الانواع انتشارا لانه ارخصهم وهو جيد لكنه ليس الافضل ويوجد المصرى والسورى والسعودى منه والافضل فى رأيى سالوميل - الشرائح . هو مطبخ يتم عمل الضلفه من علب الومنيوم بمقاسات مختلفه للحصول على الشكل المطلوب -الخشمونيوم هو من اكثرهم انتشارا واعلاهم سعرا وهو عباره عن ضلفه عليها شيت الومنيوم ويتم دهانه بالوان لها تأثير خشبى للحصول على شكل قريب من الخشب و المطبخ الالومنيوم شيت هو نفسه ولكن بالوان ساده -الكلادينج . هو احدث المطابخ الالومنيوم ويتم عمل الضلف بفريم رفيع مع عمل الحشو من خامة الكلادينج وهى عباره عن 2 شيت الومنيوم وبينهم بولى ايثيلين وهو من افضل الانواع حاليا وله الوان كثيره لامع ومطفى ورسومات -اليو فى :هو افضل خامات المطابخ الالومنيوم واحدثها انتاجا وهو عباره عن pvc وبعض المصلبات بالاضافه لطبقه من اليو فى لزيادة مقاومة الخدش لاعلى درجه ممكنه وهو افضلها فى مقاومة الخدش واللمعان والقيمه وصعب ثنيه وكسره طريقة الحساب للمطبخ ودى بتختلف من شركه لأخرى لكن هى فى الغالب بتتم ب ٣ طرق لكن فى نقطه مهمه جدا ... ما تبصش ان سعر المتر القليل هو اللارخص .. شوف دايما دور سعر المتر القليل هياخد منك ايه وهيديلك ايه لان مع الطرق اللى هنشرحها لاحقا فى الكومنت ممكن تلاقى سعر متر قليل ولكن مع حساب معين للاطوال يطلع سعر المطبخ الاجمالى اعلى من سعر المتر الأغلى وده بيحصل كتير جدا وال٣ طرق هما -المتر المربع وده بيتم احتساب طول السفلى ×ارتفاعه و العلوى ×ارتفاعه ويتم جمعهم على بعض وده النظام السائد او الاكثر شيوعا فى مصر -المتر الطولى و ده اما بيتم بطريقة حساب الطول ×ارتفاع السفلى والعلوى مع بعض .. او بحساب الطول بغض النظر عن الارتفاع -الوحدات هو ان بيتم حساب كل وحده بسعر وبيتم تجميعهم مع بعض
  • img
  • img
  • img
  • img
  • img
  • img
  • img
  • img
  • img
  • img
  • img
  • img
  • img
     

وضع تعليق (0)

ملاحظة: يجب ان تكون مسجلاً لكي تنشر تعليقك .