توزيع الاثاث في غرفة النوم من اهم العناصر الى لازم نهتم بيها لان ترتيب الغرفة بشكل انيق و مريح حيسهل عليك كتير من امور الحياه , ومن خلال مقالتنا حنعرف مع بعض ازاي نوزع اثاث غرفة النوم

تعتبر غرفة النوم اهم غرفة في البيت , لانك بتحتاجها للراحة وشحن الطاقة بعد يوم طويل و متعب , عشان كدا لازم تصمم غرفة نومك بالشكل الي يضمنلك الاسترخاء و الراحة على الاخر , و ترتيب اثاث الغرفة و توزيعه بطريقة مظبوطة من اهم العوامل الى حتحققلك جو مريح , و طبعا بيختلف حسب اختلاف المساحات و تقسيم الغرف سواء في شكل الاثاث و ستايله.

السرير

السرير يعتبر من اهم العناصر في غرفة النوم , عشان كدا لازم يتحط في مكان ملحوظ في نص الغرفة , و في كذا طريقة لوضع السرير عشان يكوم محور البصر في الغرفة , لكن لو غرفتك مساحتها صغيرة حتجبرك تحط السرير في اماكن محددة , فايا كان موقع السرير الي حتختاره حاول تسيب مسافة كافية حوالين السرير عشان تقدر تتحرك بسهولة حوالين السرير ,  ومن افضل الطرق انك تحط السرير في منتصف الحائط الاساسي للغرفة , او ممكن تحطه بين شباكين في حالة وجود حائط فيه شباكين عندك , لانه بيدي شكل رائع للغرفة و بيزود جمالها واناقتها.

الدولاب

لازم تختار حائط مناسب لمساحة دولابك لو معندكش غرفة مخصوص للملابس  - دريسينج روم – لان الدولاب يعتبر من اكبر عناصر غرفة النوم في الحجم , عشان كدا بيحتاج حائط ميكون فيه باب او شباك , لكن لازم تسيب مساحة كافية امام الدولاب لفتح ابوابه و الحركة بحرية و سهولة , في بديل للدولاب في غرفة النوم و هو انك تقتطع جزء من الغرفة و تعمل دريسينج روم مغلقة بستارة او باب حسب المساحة المتوفرة عندك

التسريحة

تعتبر التسريحة تاني اهم عنصر من عناصر اثاث غرفة النوم و من اكبر العناصر حجما بعد الدولاب , وافضل مكان تحطها فيه هو قدام السرير عشان تعمل توازن في الغرفة مع توفير مساحة كافية للمراية و وحدة اضاءة مناسبة ليها

عناصر تانية ممكن تضيفها في غرفة نومك

بعد ما وزعت العانصر الاساسية و الكبيرة في الحجم في الغرفة , نبدأ نحط بعض العناصر الصغيرة عشان تملا الغرفة او بمعنى اصح تكمل المنظر العام للغرفة

الطاولات الجانبية - الكومود

الطاولات الجانبية – الكومود – بتتحط على جنبين السرير ولازم تكون ارتفاعها نفس مستوى ارتفاع المرتبة

مكتب عمل

للاشخاص الى بيحبوا يشتغلوا او يقعدوا عاللاب توب في غرفة نومهم , لو عندك مساحة كافية ممكن تعمل مكتبر صغير

الدفع عند الاستلام | **شحن مجاني 100% لأي مكان في مصر | امكانية ارجاع المنتج خلال 14 يوم | ضمان على المنتج | للاستفسارات ابعتلنا واتساب 01153087723

** الشحن المجاني للمنتجات اعلى من 350 جنيه 

مكتبة او ركن للقراءة

لمحبي القراءة ممكن تزين غرفة نومك بعض الرفوف عليها كتب بشكل منظم و جميل سواء فوق السرير او في مكان تاني لو توافرت المساحة 

جلسة صغيرة داخل الغرفة

ممكن تحط كنبة صغيرة في غرفة النوم او شيزلونج في ركن من الغرفة يكون مكان مميز وخاص بيك مع اضاءة خفيفة عشان تشرب قهوتك او تقرا كتاب وكمان يكون للاسترخاء في اجواء رومانسية , مع كرسي ارضي لراحة القدمين , ويفضل اختيار مكان قريب من الشباك للحصول على اضاءة و تهوية طبيعية

قواعد عامة عند توزيع اثاث غرفة النوم

لو كانت غرفتك مستطيلة و فيها شباك و باب امشي عالخطوات التالية

متحطش الدولاب او السرير او التسريحة في نفس الحائط الي فيه نافذة و خلي الحائط دا للكومود او ممر تتحرك فيه

متحطش السرير في الضلع المواجه للشباك عشان الخصوصية عند فتح الشباح و عشان تتجنب شدة الاضاءة في الصباح

لازم تحط الدولاب بين 3 حوائط عشان تغطي كل اضلاعه , وعشان ميسدش الباب عند الدخول , حاول وش الدولاب بس الي يظهر

 شاهد أيضاً مجموعة مقالات عن غرفة النوم

1. نصائح هامة عند تصميم غرفة النوم الرئيسية 2020
2. نصائح إختيار إضاءة غرفة النوم بالصور
3. طريقة التخلص من الرطوبة في غرفة النوم 2020
4. خطوات بسيطة وسهلة لترتيب دولاب الملابس الشتوية 2020