تسجيل الدخول لسرعة الوصول إلى أفضل الصفقات. انقر هنا إذا لم يكن لديك حساب.

قواعد لإختيار سرير غرفة النوم الرئيسية

منذ 3 أسابيع غرفة النوم   151 المشاهدات
img

0.0 نجمة

قواعد لإختيار سرير غرفة النوم الرئيسية

النهاردة حنتكلم عن سرير غرفة النوم الرئيسية و قواعد اختياره سواء المقاسات أو الماتريال أو الألوان.

نبدأ بالمقاسات :

السرير الثنائي

Double bed

138 X190 cm

سرير الملكة

Queen size bed

160x200 cm

سرير الملك

King size bed

200x200 cm

ولكن المقاس الشائع في مصر هو 180 سم عرض في 200 سم طول وغالباً بيكون أنسب اختيار ولكن خلي إختيارك معتمد على عدة عوامل زي مساحة الأوضة نفسها أو إحتياجك انت الشخصي من عرض السرير أو طوله , بعض الأشخاص بيكون مناسب جدا ليهم 160 سم عرض في 190 سم طول , عشان كدا دايما ننصحك بشغل العمولة من عند نجار شاطر ومتجرب لأنه حيفيدك كتير في اختيار المقاس المناسب لإحتياجاتك و كذلك في اختيار الشكل واللون و مش حيحكم اختيارك زي الجاهز إلا لو لقيت حاجة جاهزة و مناسبة أوي و بنسبة كبيرة لإحتياجاتك ودا صعب ولكن مش مستحيل.

نيجي بعد كدا نتكلم على المواد المصنوع منها السرير أو شكل تصميم السرير ,وحنلاحظ أن اهم جزئية في السرير هي ضهره الى يعتبر أكتر جزء ظاهر فيه , ولأن معظم اختياراتنا دلوقتي أصبحت تتجه للسرير الى بدون مقدمة ( ضهر فقط ).

إختيار نوعية ضهر السرير بتعتمد على عواميل كثيرة ترجعلك انت , حتلاقي الضهر المنجد أو الخشب بتصميم معين ,حاول تختار الأنسب ليك و الأريح في الإستخدام و ممكن خلي ضهر السرير جزء من ديكور الحيطة الي وراه زي ما موجود في الصور الى نزلناها في المقالة السابقة ( شاهد الصور من هنا )

إختيار اللون طبعا بيتبع المود الى تحبه يكون في غرفة نومك الرئيسية ويكون مرتبط بشكل عام مع الألوان المختارة لديكور الغرفة , عشان كدا بننصحك انك تختار ألوان الديكورفنفس الوقت الى بتختارفيه تصميم ولون السرير , ومتنساش دايماً الاستعانة بمهندس ديكور شاطر حيقدر يوفقلك إختياراتك وحينصحك دايماً بالأفضل.

     

وضع تعليق (0)