تسجيل الدخول لسرعة الوصول إلى أفضل الصفقات. انقر هنا إذا لم يكن لديك حساب.

نصائح مهمة في النقاشة

منذ شهر أفكار متنوعة   60 المشاهدات
img

0.0 نجمة

النقاشة هي الحاجة اللي بتديك راحة و بهجة في بيتك او بتخليك مضايق و حاسس بعدم الراحة

 

لو الشقة لسة مبنية اديها كام يوم قبل ما تبتدي تشطيب

 

عشان متتعبش في المعجون لازم تهتم بالمحارة كويس اوي لانها هتسهل عليك كتيريعني تهتم بالزوايا الاعمدة وزوايا الجدران

 

قبل المعجون علب الكهربا تنضفها كويس من اثار المحارة ويلف السلك جواها وقبل الدهانات تتنضف تاني .

 

الجبس لو بلدي ف السقف اتاكد انه نشف تماما عشان عيوبه بتظهر بعد ما ينشف

 

لو جيبسم بورد اتاكد انه بيحط زاوية شريط اللي فيها شمبرمعدني من جوه وبين الفواصل والبلاطات يحط شاش

 

السنفرة كلها تكون ناعمة

 

سيب الحيطة و السقف تنشف على الاخر و ياريت يبقى فيه معالجه برش المحارة و تتساب تنشف .. و متنساش لو انت في الدور الاخير تتاكد من عزل السقف و تختبره

 

ولو ظهر شروخ كبيرة اديها معجون امريكي 3 ايام ورا بعض وتحط معاها شاش

 

لو فيه تنميلات صغيرة افتحها و اديها معجون امريكاني و الجبس لو منمل لازم برده يتمعجن كويس و لو التنميلات كتيرة كسره و اعمله تاني هيريحك جدا الكلام ده

 

 

 

بعد ما الحيطة و السقف ينشفوا لازم تراشم او تحف يعني تشيل اي حاجة عالية بسكينه المعجون او حجر و يتم دهان الحوائط و السقف بسيلير مائي لإزالة اي شوائب أو اتربة تفصل المعجون عن المحارة

السيلر ده يخلي الخيطة متاخدش معجون و دهانات كتير. لانه بيقفل المسام

يتم عمل سكينة المعجون الأولى أفقي أو راسي والثانية ف اتجاه عكس اتجاه الأولى

 

بعد منخلص المعجون والصنفرة بنعمل وش دهان بنسميه بطانة و يفضل قبله ندي سيلير تاني .. ده هيوفر معاك في كمية الدهانات وبعد كده لو في أجزاء عايزة تلقيط بالمعجون بنعيد عليها تاني. بعد كده بنشطب عدد الوشوش المطلوبة حوالي وشين او 3 حسب شركة الدهان

 

بنشطب السقف الاول بعدين الحيطان

 

لازم تشيك من شغل الكهربا قبل اي حاجة في النقاشة

 

الدهان لو بلاستيك هيطلع من السيراميك بسهولة لكن لو زيت و ده قل استخدامه لازم تغطي الارضية.

 

يفضل البدء ف الدهانات بعد تمام تركيب السيراميك بالكامل .

 

اختيار الاوان من موقع تشطيب ماب حتلاقي مواضيع وافكار كتيرة جدا عن تناسق الالوان

كل اللي حتعمله حتدخل موقع تشطيب ماب

في الصفحة الرئيسية حتلاقي افكار ونصايح للديكور ادخل عليها حتلاقي مئات المواضيع عن تناسق الالوان وكمان افكار لكل ركن ف بيتك

 

     

وضع تعليق (0)

ملاحظة: يجب ان تكون مسجلاً لكي تنشر تعليقك .